Курчак театр гастроль дене Курганыш каен
Марий Элысе курчак театрын пашажым Курганыште ончат. 26-шо гыч 28-ше апрель марте Республикысе курчак театр шке пашаже- влакым гастрольыш наҥгая. Пытартыш ийлаште икымше гана ӧрдыжтӧ кугыеҥ- влаклан кугу спектакльым темла. Курган филармонийын тӱжем еҥ пурыман залыштыже «Прекрасное далёко» пашам ончыкта. Тиде вес тӱняште илыш, ӱшанымаш да йӧратымаш нерген шӱм-чоным тарватыше историй. Тудын премьерыжым марий сценыште март мучашыште ончыктымо ыле. Гастроль программыште тыгак йоча постановко- влакат улыт: «Звёздочка» ден «Маленькая фея». Нуным верысе «Гулливер» курчак театрыште ончыктат.
Фото: Курчак театр.
Фото: Курчак театр.
