«Илышлан инфраструктура» у калыкле проект почеш Марий Элыште коммунал сферын 27 объектшым уэмдаш палемдалтеш

«Илышлан инфраструктура» у калыкле проект почеш Марий Элыште коммунал сферын 27 объектшым уэмдаш палемдалтеш
                  «Илышлан инфраструктура» у калыкле проект почеш Марий Элыште коммунал сферын 27 объектшым уэмдаш палемдалтеш. Марий Элым вуйлатыше Юрий Зайцев теҥгече Российыште регионлам вияҥдыме шотышто Правительстве комиссий президиумын заседанийыштыже лийын. Тудым Правительстве вуйлатышын алмаштышыже Марат Хуснуллин эртарен. Каҥашыме ик тӱҥ йодышыжо регион- влакым «Илышлан инфраструктура» у калыкле проектым шыҥдараш ямдылымаш. Российын Правительствыже Кугыжанышым вуйлатышын 2030-шо да ончыкылык 2036-шо ий марте вияҥме приоритет- влакыш шуаш виктаралтше калыкле проект- влакым ямдылыме пашам мучашла. Кызыт тиде пашалан окса кугытым рашемдыме паша кая. «Илышлан инфраструктура» калыкле проект яллам комплексно вияҥдыме мероприятий- влакым ушен шога. Тиде- корным олмыктымаш да чоҥымаш, тӱшка транспортым налмаш, тӱшка да кудывече кундемлам тӱзландарымаш. Марий Эл Россий минстройыш коммунал инфраструктурын 27 объектшым пужен ышташ темлымашым колтен. Тушкак йӱшаш вӱдым ситарыше 19 объект пура. Ончычсо семынак кугу тӱткышым тошто пӧртла гыч калыкым кусарымылан ойыраш тӱналыт. Республикыште 115 тӱжем квадрат метр кумдык илыме веран 472 шуко пачеран пӧрт гыч шым тӱжемат 868 еҥым кусарышаш улыт. 2025-ше ий гыч калыкле проект кышкарыште «Оласе йӧнан кумдыкым ыштымаш» федерал проектын мероприятийже- влакым шыҥдараш палемдыме. Кызыт Республикысе чоҥымаш да ЖКХ министерствыште 2025-ше ийыште субсидийым пуаш проект- влакым ойырен налыт. План почеш лу кудывечым да 41 тӱшка кумдыкым  тӱзландараш палемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски