Марий Эл Правительствын вӱд поянлыкым аралыме да кучылтмо шотышто пашажым кӱкшын акленыт

Марий Эл Правительствын вӱд поянлыкым аралыме да кучылтмо шотышто пашажым кӱкшын акленыт
                Кӱшыл Юл бассейн округын Бассейн Советшын заседенийыштыже Марий Эл Правительствын вӱд поянлыкым аралыме да кучылтмо шотышто пашажым кӱкшын акленыт. Теҥгече Марий Элым вуйлатыше тиде советын 31-ше заседанийыштыже участвоватлен. Заседанийын участникше- влак вӱд поянлыкым аралыме да пайдалын кучылтмо, мланде кӧргӧ поянлык дене пайдаланыме, эҥер серлам пеҥгыдемдыме, гидротехник сооруженийлам олмыктымо, эҥер пундашлам эрыктыме йодышлам каҥашеныт. Тушто Кӱшыл-Юл бассейн вӱд округ виктемым вуйлатыше Александр Баринов ойлен. Тудо палемден: Марий Эл экологий шот дене яндар регион улеш. Республикысе Правительствын пашажым кӱкшын аклен да палемден: республике чыла федерал программылашкат ушна. 2002-шо гыч 2023-шо ий марте республике кундемыште 86 гидротехник сооруженийым капитально олмыктымо. Тений Изи Кугунур ял воктене Ошла эҥерыште вӱд аралтыш пундашым эрыктен пытарышаш улыт, 2025-ше ийыште Йошкар-Олаште Ширяйково микрорайон тураште Изи Какшан эҥер пундашым эрыктен шуктат, вич тӱжем еҥым вӱд налме деч аралаш манын Изи Какшанын йогынжым виктарыме паша тӱҥалеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски