Марий Эл электросетьым вияҥдаш ик миллардат 100 миллион утла теҥгем налеш
Марий Эл электросетьым вияҥдаш ик миллардат 100 миллион утла теҥгем налеш. Москош паша дене мийымыже годым Марий Элым вуйлатышын пашажым шуктышо Юрий Зайцев «Россети» ПАО-н Генеральный директоржо Андрей Рюмин дене вашлийын. Нуно электрик инфраструктурым вияҥдыме, тариф политике да тӱлымӧ дисциплине ден кылдалтше йодыш- влакым каҥашеныт. Генеральный директор палемден: компаний тений электросетьлам уэмдаш да чоҥаш 413 миллион утла тенгем колта, а 2025-ше ий мучаш марте инвестицийын кугытшо ик миллиардат 100 миллион утла теҥге лиеш. Мутлан, Советский районышто «Новая Луговая» подстанцийым чоҥымо да пашаш колтымо. Республикыштат, Йошкар-Олаштат чолган пашам ыштена. Илыме квартал, урем тулым уэмдымаш, магистраль корным чоҥымо проект- влак шыҥдаралтыт. Тений Марий Элын рӱдыштыжӧ у подстанцийым пашаш колтымо. Рюминын мутшо почеш республикыште 200 меҥге утла электролинийым пашаш колтымо лиеш.
Фото: Марий Элым вуйлатышын организаций да аналитик виктемже.
Фото: Марий Элым вуйлатышын организаций да аналитик виктемже.
