Марий Эл гыч медик- влакын бригадышт Запорожский областьыш командировкыш каен
Марий Эл гыч медик- влакын бригадышт Запорожский областьыш командировкыш каен. Нуно Российын у кундемлаштыже кугыеҥ- влаклан профилактике осмотрым эртараш тӱналыт. Бригадыште терапевт, невролог, кардиолог да фельдшер улыт. Кум специалистше тудо кундемыш кокымшо гана каен Медик- влакын икымше бригадышт- 6 врач да 7 фельдшер йоча- влаклан профилактике тергымашым Запорожье областьыште 2022-шо ийын октябрь-ноябрьыште ыштеныт ыле. Ик тылзе гыч икмыняр врачше пӧртылын, олмешышт эше куд врач каен ыле. Тудо командировка жап деч ончыч мучашлалтын, молан манаш гын, мемнан медик- влак ДТП-шке логалыныт. Тений августышто Марий Элым вуйлатышын тӱҥалмыже почеш кок врачебно-фельдшер бригадым чумырымо да Куйбышев районышто кугыеҥ- влаклан диспансеризацийым ышташ колтымо ыле. Сентябрьыште бригада пӧртылын, тудын олмеш врач ден фельдшер каеныт. Октябрьыште мемнан земляк- влак чыланат командировко гыч пӧртылыныт. Кызыт Запорожский областьыш Республикысе йоча клинический эмлыме вер, Йошкар-Оласе клинический эмлыме вер, Параньга рӱдӧ эмлыме вер, Краснооктябрьскысе врач амбулаторийын еҥже- влак каеныт.
Фото: Тазалыкаралтыш министерстве.
Фото: Тазалыкаралтыш министерстве.
