Марий Эл гыч сонарзе турнир гыч кок медальым конден

Марий Эл гыч сонарзе турнир гыч кок медальым конден
              Марий Эл гыч сонарзе пуля дене лӱйкалыме турнир гыч кок медальым конден. Киров кундемысе Вахруши посёлкышто сонар пычал гыч пуля дене лӱйкалыме шотышто кокымшо виш турнир лийын. Марий Эл гыч куд еҥан опытан сонарзе- влакын командышт миен,- увертара янлык тӱня департамент. Эн сай лектышым Рудольф Волков ончыктен. Тудо чондайышкыже кок медальым пыштен: той ден шӧртньым. Турнир опытан мастар- влакымат, икымше гана мийыше- влакымат чумырен. Кажныже шке моштымашыжым чынжымак сонарлаш келшен толшо йӧныштӧ ончыктен кертын. Организатор- влак лӱйкалыме годым чыла вучыдымо ситуацийлан ямдылалтыныт: тактике медицине да икымше полышым пуымо шотышто мастар-классым эртареныт.
            Фото: Янлык тӱня департамент.

Прошлые выпуски