Отымбал ялыште ФАП-ын у зданийже лиеш

Отымбал ялыште ФАП-ын у зданийже лиеш
              Волжский районысо Отымбал ялыште ФАП-ын у зданийже лиеш. «Кужу чолга илыш» калыкле проект почеш Чоҥышаш верыште негызым ыштен пытарыме. «Тазалыкаралтышын первичный звеножым модернизироватлымаш» регионысо проект кышкарыште пел курымаш ФАП-ын тошто зданийже олмышто тений блочно-модулян конструкций вераҥдалтеш. Газ да электросеть деке ушаш контрактым ыштыме. Ямдылыше заводын увертарымыже почеш кызыт заводышто конструкцийым погат. Отымбал, Вакутсола, Кытынсола, Кожлалӱвал да Урняк яллаште илыше 400 утла еҥлан ФАП-ым вашке почмо нерген увер шукертсек вучымо лийын.
           Фото: Тазалыкаралтыш министерстве.

Прошлые выпуски