Таче «Ончыко» журналлан шӱдӧ ий теммын
Таче «Ончыко» сылнымут да мер-политик журналын икымше номерже савыкталт лекмылан шӱдӧ ий теммым палемда. Шке саламлымашыжым журналын пашаеҥже- влаклан Правительстве вуйлатышын алмаштышыже- тӱвыра, печать да калык- влакын пашашт шотышто министр Константин Иванов колтен. Тудо палемден: лӱмгече поян историйын символжо улеш, тиде жапыште тудо марий калыкын илышыжын чын летописьышкыже савырнен. Ик курым жапыште чылаже 754 номер савыкталт лектын.
Журналым негызлымаште «Йошкар кече» газетыште пашам ыштыше Сергей Элнет, Яков Майоров-Шкетан, Пётр Ланов, Савинов Эчан шогеныт. Икымше номерже «У вий» лӱм дене лектын, улыжат 20 лаштыкан лийын, тиражше тӱжемат 550 экземпляр улмаш. 1938-ше ийыште журнал «Пиалан илыш» лӱм дене савыкталтын, Кугу Ачамланде сар ийлаште- «Родина верч», вара «Марий альманах» лӱман лийын. Лач 1954-ше ийыште гына тудо «Ончыко» лӱмым налын. Журналым Марий Элыште гына огыл, марий – влакын тӱшкан илыме кундемалштат йӧратен лудыт.
Фото: Тӱвыра министерствын пресс-службыжо.
Журналым негызлымаште «Йошкар кече» газетыште пашам ыштыше Сергей Элнет, Яков Майоров-Шкетан, Пётр Ланов, Савинов Эчан шогеныт. Икымше номерже «У вий» лӱм дене лектын, улыжат 20 лаштыкан лийын, тиражше тӱжемат 550 экземпляр улмаш. 1938-ше ийыште журнал «Пиалан илыш» лӱм дене савыкталтын, Кугу Ачамланде сар ийлаште- «Родина верч», вара «Марий альманах» лӱман лийын. Лач 1954-ше ийыште гына тудо «Ончыко» лӱмым налын. Журналым Марий Элыште гына огыл, марий – влакын тӱшкан илыме кундемалштат йӧратен лудыт.
Фото: Тӱвыра министерствын пресс-службыжо.
