Медведевыште баскетбол ден хоккейлан «ушан» площадкым ыштеныт

Медведевыште баскетбол ден хоккейлан «ушан» площадкым ыштеныт
              Медведевыште баскетбол ден хоккейлан шым миллионат 600 тӱжем теҥгеаш ушан площадкым ыштеныт. Посёлкышто Логинов уремысе 4-ше пӧрт адрес дене у «ушан» спорт площадке пашам ышташ тӱҥалын. Объектым «Бизнес-спринт (мый спортым ойырен налам)» федерал проект да тӱшка физический культурым вияҥдыме кугыжаныш программе кышкарыште чоҥымо. Шуко функциян комплекс футбол, баскетбол да хоккей дене модаш универсал кумдыкыш савырнен. Хоккейлан капкам, стойкым, лӱмын хоккей борт- влакым вераҥденыт.
              Модмо зоно деч посна площадкыште уремысе тренажёран воркаут секторым ыштыме. Объектым ышташ республикын бюджетше гыч шым миллионат 600 тӱжем теҥгем кучылтмо. Тиде окса дене оборудованийым налын монтироватлыме. Площадкын негызшым ямдылаш муниципалитет ныл миллионат 300 тӱжем теҥгем тӱлен. Спорт министр Сергей Мухортовын палемдымыже почеш у объект самырык талант- влакым пален налаш полша да физкультура уроклам да верысе таҥасымашлам эртарыме тӱҥ верыш савырна. Изиш ондакырак тыгай проект- влакым Звенигово, Волжский да моло районлаште шыҥдараш тӱҥалме ыле.
           Фото: Спорт министерстве.

Прошлые выпуски