Марий Эл Китай калык республикын провинцийже- влак дене вашкылым кучаш эре ямде

Марий Эл Китай калык республикын провинцийже- влак дене вашкылым кучаш эре ямде
         Марий Эл Китай калык республикын провинцийже- влак дене вашкылым кучаш эре ямде. Китайысе Цзянси провинцийысе Наньчан олаште Юл кундем округысо да Янцзы эҥерын кыдал кундемласе регион- влакын вашкылышт шотышто Совет пашам ыштен. Тудым Юл кундем округышто полпред Игорь Комаров ден КНР- ын Госсоветшын премьержын алмаштышыже Чжан Гоцин эртареныт. Советыште Марий Эл деч Правительстве председательын алмаштышыже Дмитрий Троицкий лийын. Тушто Китайысе провинций- влак дене торгово-экономик, инвестиций да гуманитар аланыште регион- влак кокласе вашкылын ончыкылыкшым да план- влакым каҥашыме. Игорь Комаров палемден: вашкыл кок элланат кӱлешан. Кызыт Россий ден Китай вуйлатыше- влакын шындыме задачым шуктымашке- кок велым товарооборотын кугытшым 200 миллиард долларыш шуктымашке ӱшанлын каят.. Тенийсе товароборот сай лектышым ончыкта. Адакшым Юл кундем округысо регион- влакын кушмашышт Российысе показатель деч кугурак. Тений товароборот 58 процентлан кугемын, Китайын ужашыже Юл кундем округысо  тӱшка объемышто кок пачаш кушкын- 13 гыч 22 процент марте, - каласен Игорь Комаров. Марий Эл шукертсек Китайысе провинций- влак дене кылым куча. Тений кеҥежым Республикым вуйлатыше Юрий Зайцев Федераций Советым вуйлатыше Валентина Матвиенкон вуйлатыме делегаций радамыште Китайыш миен ыле. Экономик вашкылыште ончыклыканлан промышленность, микроэлектронике, ял озанлык, Ай-Ти сфера, туризм шотлалтыт. Дмитрий Троицкий палемден: Марий Эл Китай провинций- влак дене пайдале вашкылым кучаш эре почмо улеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски