Марий Элым вуйлатыше округышто полномочный представитель пеленысе Советын заседанийыштыже лийын
Марий Элым вуйлатыше Юрий Зайцев Юл кундем федерал округышто Россий Президентын полномочный представительже пеленысе Советын заседанийыштыже лийын. Тудо Угарман олаште эртен. Погынышо- влак Юл кундем округышто оборонно-промышленный комплексын предприятийже- влак чарныде пашам ыштышт манын кучем орган- влакын пашаштым виктарыме да мерым ыштыме йодыш- влакым каҥашеныт. Россий правительстве председательын алмаштышыже, промышленность да торговля министр Денис Мантуров ОПК аланыште ончылно кайыше Юл кундемысе предприятий- влакын пашаштым палемден. Тидын годым тудо теве мом ончыктен: пытартыш ийыште отрасльысе пӱсын шогышо йодыш- влакым виктарен колтен кертме, сар куралым ыштымаште тӱҥ технологий, финанс, организаций момент- влакым ыштыме. Тидлан кӧра мемнан оборонный комплекс куатым кугемден толеш. Тений идалык тӱҥалтыш гыч кодшо ийын идалык мучкысо деч шукырак продукцийым ыштен лукмо. Тыгай пашаш кугу надырым округысо оборонный предприятий- влак пыштат,- каласен Денис Мантуров. Марий Элыште вооруженийым да военный техникым лукмашым, ешартыш паша куатым кугемдыме шотышто паша икшырымын кая.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
