Школ- влакым капитально олмыктымо паша жапыштыже мучашлалтшаш

Школ- влакым капитально олмыктымо паша жапыштыже мучашлалтшаш
              Школ- влакым капитально олмыктымо паша жапыштыже мучашлалтшаш. Параньга районышто пашаче группа район администраций вуйлатыше Альфит Ибраев да подрядчик дене пырля Параньга да Пӧртанур школлаште олмыктымо пашан кузе кайымыжым онченыт. Параньга школышто леведышым, фасадым олмыктымо, омсам, кӱвар шартышым вашталтыме, пожар сигнализаций системым автоматизироватлыме, электромонтаж пашам шуктымо. А Пӧртанур школышто окнам вашталтыме, пӧртӧнчыл, пристройым олмыктымо, ырыктыме, южтарыме системым, теплопунктым, шокшо-йӱштӧ вӱдым шотлымо узелым, электровоштырым, волгалтарыме, ырыктыме, пожар сигнализаций системым вашталтыме. Тыгак тунемме мебельым, технолгий да тунемме оборудованийым, спорт инвентарьым налме лиеш. Параньга школыш 12 миллион утла теҥгелан, Пӧртанур школыш ныл миллионат пеле теҥгеашым кондат. Кызысе жаплан кок школыштыжат пашам 90 утла процентлан шуктымо. Подрядчикын ӱшандарымыже почеш капитально олмыктымо паша жапыштыже шукталтеш. Икымше сентябрьыште уэмдыме школ- влак шке омсаштым почыт.
            Фото: Партий верысе пӧлкан архивше.

Прошлые выпуски