Марий Эл парымым шагалемдыме дене Российысе лу ончыл регион радамыш пурен
Марий Эл парымым шагалемдыме дене Российысе лу ончыл регион радамыш пурен. Кодшо ийын лектышыже почеш Марий Элын парымже 13 утла процентлан шагалемын. Тидын нерген «Эксперт РА» агентствын шотлымыжо ойла. Республикын парымже кум миллиардат 600 миллион теҥгелан иземын да 8 миллиардат 800 миллион теҥге кодын. Тиде кугыт 2014-ше гыч 2023-шо ий марте жаплан эн изилан шотлалтеш. Тиддеч посна Марий Эл парым кугыт дене Юл кундем федерал округышто 6-шо верым, Российысе чыла субъект коклаште 39-ше верым айла. Ӱшанем,- возен шке телеграм- каналыштыже Юрий Зайцев,- финансым тӧр ыштыме корным ойырен налмаш да бюджетым ответственно виктарымаш ончыкыжым республикым социал-экономик велым ӱшанлын виктараш полша.
Фото: Марий Элым вуйлатышын администрацийжын увер дене пашам ыштыше пӧлкаже (архив).
Фото: Марий Элым вуйлатышын администрацийжын увер дене пашам ыштыше пӧлкаже (архив).
