Марий Эл Правительствыште «Город-лес» проект кышкарыште Йошкар-Ола кумдыкым вияҥдыме йодышым каҥашыме
Марий Эл Правительствыште «Город-лес» проект кышкарыште Йошкар-Ола кумдыкым вияҥдыме йодышым каҥашыме. Совещанийыште Сомбатхей микрорайоным комплексно вияҥдыме йодышым ончымо. Заседанийым Марий Элым вуйлатыше Юрий Зайцев эртарен. Сибирьысе урбанистика лабораторийын ямдылыме «Город-лес» проектше кызытсе инфраструктура ден пӱртӱс кумдыкым, регионысо климат условийым, калыкле ойыртемым, рӱдӧ олан инфраструктурыжым пайдалын ушен шогышо кумдыкым ышташ виктаралтын. Ленин проспект, Киров урем ден Изи Какшан эҥер кокласе кумдыкым вияҥдаш палемдалтеш.
Проектировщик- влак спортлан, самырык- влаклан, йоча-шамычлан площадкылам, коммерций кумдыклам ышташ темлат. Ямдылыше- влакын шонымышт почеш кундемын тӱшка кумдыкшо 78 гектарым айла, кум меҥге кужыт эҥер серым тӱзландарыме, лу меҥге йолешке корным, ныл меҥгат пеле кужыт велосипед корным ышташ палемдыме. Марий Элым вуйлатыше ушештарен: ыштыме объект- влак у йоча да спорт площадкыла, каныме зона, арт –кумдык, унагудо, аппартамент, кафе да ресторан дене ик семын келшен толшаш улыт. «Город-лес» проект лӱмым таклан огыл ойырен налме. Пушеҥге- влакым пытараш палемдыме огыл, мӧҥгешла тӱҥ цельже- Пӱнчерым арален кодаш да тиде кундемым калыклан йӧнаным, турист- влаклан кумылаҥдышым ыштымаш. Проект кызыт каҥашалтеш, оксам республикын бюджетше гычат, посна инвестиций гычат кучылташ палемдалтеш. Бизнес-сообществыште олам вияҥдымашке ушнаш кумылан еҥ- влак улыт. Республикым вуйлатыше Юрий Зайцев каласен: тыгай проект- влакым шыҥдарыме нерген решенийым калыкын шонымашыжым шотыш налын лукман.
Фото: Марий Элым вуйлатышын администрацийжын увер дене пашам ыштыше пӧлкаже.
Проектировщик- влак спортлан, самырык- влаклан, йоча-шамычлан площадкылам, коммерций кумдыклам ышташ темлат. Ямдылыше- влакын шонымышт почеш кундемын тӱшка кумдыкшо 78 гектарым айла, кум меҥге кужыт эҥер серым тӱзландарыме, лу меҥге йолешке корным, ныл меҥгат пеле кужыт велосипед корным ышташ палемдыме. Марий Элым вуйлатыше ушештарен: ыштыме объект- влак у йоча да спорт площадкыла, каныме зона, арт –кумдык, унагудо, аппартамент, кафе да ресторан дене ик семын келшен толшаш улыт. «Город-лес» проект лӱмым таклан огыл ойырен налме. Пушеҥге- влакым пытараш палемдыме огыл, мӧҥгешла тӱҥ цельже- Пӱнчерым арален кодаш да тиде кундемым калыклан йӧнаным, турист- влаклан кумылаҥдышым ыштымаш. Проект кызыт каҥашалтеш, оксам республикын бюджетше гычат, посна инвестиций гычат кучылташ палемдалтеш. Бизнес-сообществыште олам вияҥдымашке ушнаш кумылан еҥ- влак улыт. Республикым вуйлатыше Юрий Зайцев каласен: тыгай проект- влакым шыҥдарыме нерген решенийым калыкын шонымашыжым шотыш налын лукман.
Фото: Марий Элым вуйлатышын администрацийжын увер дене пашам ыштыше пӧлкаже.
