Республикын тӱҥ книгагудыштыжо кином ончыкташ тӱҥалыт

Республикын тӱҥ книгагудыштыжо кином ончыкташ тӱҥалыт
            Республикын тӱҥ книгагудыштыжо кином ончыкташ тӱҥалыт. Сергей Чавайн лӱмеш калыкле книгагудышто шкенан элыштына войзымо кином ончыктышо «Родина» самырык- влакын киноклубышт пашам ышташ тӱҥалеш. Кином ончымо деч вара тудым каҥашаш тӱҥалыт. Сентябрьыште российысе самырык кинорежиссёр тӱнямбал да российысе финофестивальдан лауреатше, Российысе киновед да кинокритик- влак Гильдийын призыштым сеҥен налше Виталий Суслинын киножо- влакым ончыктат. Режиссёр шкеже онлайн формат дене участвоватла. Ончыктымаш тачак тӱҥалын. Сеанс- влак 14 шагатлан лийыт. Таче «Седьмой пробег по контуру Земного шара» кином ончыктеныт. 21-ше числаште «Дефиле», 26-шо сентябрьыште «Голова. Два уха», 28-ше числаште «Папье-маше» фильм- влакым ончаш лиеш. А октябрьлан «Рапана», «Верблюжья дуга», кӱчык фильм- влак: «Ванька Тепляшин», «Шнырь», документал киномат ончыкташ палемдыме. Спикерже: поэт да кинокритик, Российысе кинематографист- влак ушемын киновед да кинокритик- влак гильдийыштын еҥже Марина Копылова лиеш. Оксам тӱлыде пураш лиеш.

Прошлые выпуски