Марий Элыш паша визит дене Санкт-Петербург ден Ленинград областьын делегацийже толын
Марий Элыш паша визит дене Санкт-Петербург ден Ленинград областьын делегацийже толын. Мемнан кундем- влак ятыр ий дене кылым кучат. Республикысе организаций- влак комбикормам, шыл полуфабрикатым, колбаса сатум, консервироватлыме кочкышым, шӧр да шӧр продукцийым, кандитер сатум, медицина оборудований ден ӱзгарым, кӱртньӧ омсам, вентилятор ден электродвигательым колтат. Ленобласть ден Санкт-Пеьтербургын предприятийышт Марий Эллан вакуум выключатель ден хроматографлан материал ден комплектующийым ситарат. Вашкыл шанче корно денат кучалтеш. Мутлан Юлтех ден Санкт-Петербургысо информатике да автоматизаций институт медицина кӱлешлыклан шуко функциян роботизированный экзоскелетым лукташ тӱналме шотышто пырля пашам ыштеныт.
Кызытсе вашлиймашыште тыгак вашкылым вияҥдыме корно- влакым палемдыме. Кугу тӱткышым промышленностьлан, ял озанлыклан да туризмлан ойырымо. Республикысе бизнесын еҥже- влак шкешт нерген каласкаленыт да шкеныштын ойыртемалтше продукцийыштым презентоыватленыт. Мутлан, Европышто светодиодан экраным лукшо ончыл предприятий Марий Элыште верлана. Тудын дене Китай гына таҥасен кертеш. Уна делегацийын еҥже- влак производство да перерабатыватлыше предприятийлам, тӱвыра объектлам да турист пашам ончат. Вара ончыкылык паша шотышто дорожный картым ышташ шонат. Марий Элын правительствыже Ленинград область дене радамын да чаткан кужу жаплан тӱрлӧ корно дене экономик да гуманитар кылым вияҥден толеш
Фото: Марий Элын промышленность, экономически вияҥмаш да торговля министерствыже.
Кызытсе вашлиймашыште тыгак вашкылым вияҥдыме корно- влакым палемдыме. Кугу тӱткышым промышленностьлан, ял озанлыклан да туризмлан ойырымо. Республикысе бизнесын еҥже- влак шкешт нерген каласкаленыт да шкеныштын ойыртемалтше продукцийыштым презентоыватленыт. Мутлан, Европышто светодиодан экраным лукшо ончыл предприятий Марий Элыште верлана. Тудын дене Китай гына таҥасен кертеш. Уна делегацийын еҥже- влак производство да перерабатыватлыше предприятийлам, тӱвыра объектлам да турист пашам ончат. Вара ончыкылык паша шотышто дорожный картым ышташ шонат. Марий Элын правительствыже Ленинград область дене радамын да чаткан кужу жаплан тӱрлӧ корно дене экономик да гуманитар кылым вияҥден толеш
Фото: Марий Элын промышленность, экономически вияҥмаш да торговля министерствыже.
