Марий Элым вуйлатыше Йошкар-Олаште Никита Михалковын «12» спектакльышкыже миен
Марий Элым вуйлатыше Йошкар-Олаште Никита Михалковын «12» спектакльышкыже миен. Марий Элыш гастроль дене Никита Михалковын вуйлатыме Москосо театр да кино рӱдер толын. Лӱмлӧ кинорежиссёр Йошкар-Олаш изак-шоляк Пресняковмыт дене пырля ямдылыме «12» спектакльым конден. Теҥгече Эрик Сапаев лӱмеш опера да балет марий театрыште ончыктымо икымше кечыже лийын. Ончаш мийыше- влак кокла гыч иктыже- Республикым вуйлатыше. Модмыштым ончаш уло кумылын театрыш мийышым. Мыланна тиде кугу событий, - каласен Юрий Зайцев. Тиддеч посна эше ик кече ончыч тудо российысе вес режиссёр Николай Бурляевын фильмжым ончен. Тудат Москосо труппо дене пырля толын. Николай Петрович «Боже! Чувствую приближение Твоё!» кинокартиным темлен. Келге шонымашан фильм. Йӧн лиеш гын, ончашак тыршыза» каласен республикым вуйлатыше.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
