Марий Элым вуйлатыше деке приёмыш толыныт
Марий Элым вуйлатышын кӱштымыжӧ почеш Медведево посёлкышто корным да Савино ялыште рӱдӧ уремым олмыктат. Теҥгече республикым вуйлатыше Юрий Зайцев Дмитрий Медведевын регионысо мер приёмныйыштыжо калыклан приёмым эртарен. Калыкын пуымо шуко йодышыжо корным олмыктымо дене кылдалтын. Марина Даутова вуйлатышым Медведво посёлкысо Некрасов уремым олмыкташ йодын. Вуйлатыше палемден: республиыште калыкле проект почеш паша графикым ончылтен шукталтеш. Сандене сентябрь мучаш марте корным олмыкташ задачым шынден. Транспорт министр Александр Герасименко рашемден: корнын тиде ужашыжым клыкле проектыш пуртымо да 2024-ше ийлан ачалаш палемдыме, но подрядчик тенияк пашам шукташ ямде. Йошкар-Ола гыч Анна Болдырева роеспубликым вуйлатыше деч Карл Либкнехт уремысе 100-шӧ пӧртын кудывечыже гоч траснпортлан кошташ чараш йодын. Машина- влак корным кӱчыкемдаш манын кудывече гоч коштыт да йоча- влаклан лӱдыкшым луктыт. Глава тыге лийшаш огыл манын да кӱлеш мерым ышташ кӱштен. Мэр тиде шошымак пашам шукташ сӧрен. Эше ик йодыш Савино ялыште илыше Татьяна Савельева деч пурен. Тудо ялын рӱдыжӧ гоч эртыше корным олмыкташ йодын. Тений ял 300 ияш лӱмгечыжым палемдаш тӱҥалеш. Верысе калык тӱзатымым пеш вуча. Республикым вуйлатыше лӱмгече пайрем марте тиде пашам шукташ кӱлеш манын. Да ик йодышат тӱткыш деч посна кодшаш огыл манын каласен.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
