Марий Элыште чоҥымо профессийым шарен колтымо йодыш дене совещаний эртен
Марий Элыште чоҥымо профессийым шарен колтымо йодыш дене совещаний эртен. Тудым Марий Элым вуйлатыше Юрий Зайцев эртарен. Погынымаште чоҥымо отрасльлан специалист- влакын ситыдымыштым, профориентаций да чоҥымо профессийым шарен колтымым, предприятий, амалкалче да туныктымо тӧнеж- влакын вашкылыштым каҥашеныт. Республикысе чоҥымо отрасльыште 20 тӱжемат 500 утла еҥ тырша, корно отрасльыште- вич тӱжем наре еҥ. Юлтехын чоҥымо да архитектура институтшо тений 65 ияш лумгечыжым палемда. Тынар жапыште кӱшыл шинчымашан 12 тӱжем наре специалистым ямдылен луктын. Туге гынат специалист- влак огыт сите. Кодшо ийын 400 наре еҥ кӱлеш ыле. Юрий Зайцев палемден: чоҥымо профессийым шарыме шотышто мероприятий планым ямдылыме годым туныктымо системе ден бизнес коклаште специалистын кӱлешлыкшым ушыш пыштен ямдылыме йӧным шотыш налаш кӱлеш. Тиде йодыш чыла детальжым шотыш налын шымлымашым йодеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
