Трактрым налаш шонен, окса деч посна кодын

           Йошкар-Олаште  илыше еҥ увертарымаш сайтыште тракторым налаш шонен 152 тӱжем теҥгем йомдарен. Полиций пӧлкан дежурный частьышкыже 58 ияш пӧръеҥ йодмаш дене толын. Тудын мутшо почеш, тудым Интернет вотышто ондаленыт. Яра увертарымаш сайтыште тудо тракторым ужалыме нерген уверым муын. Ужалыше дене мутланымеке, тудо  152 тӱжем теҥгем мобильный приложений гоч ончылгоч тӱлымӧ ак семын кусарен. Жап эртымеке тудлан сатум конден огытыл. Тунам гына ондалалтмыжым умылен. Тидын шотышто уголовный пашам тарватыме.

Прошлые выпуски