Тунемше- влакын Россий кӱкшытан олимпиадыштын муниципал йыжыҥже тӱналын

             Республикыштына тунемше- влакын Россий кӱкшытан олимпиадыштын муниципал йыжыҥже тӱналын. Тылзе мучко муниципал олимпиадыште участвоватлаш правам налше 7-ше 11-ше класслаште тунемше- влак 21 предмет дене шинчымашыштым тергат. Тергыме икымше предметше- астрономий. Чыла предмет дене тергымаш коронавирус инфекций шотышто санитар-эпидемиологий йодмашым шуктен эртаралтеш: температурым тергымаш, кидым антисептик дене обрабатыватлымаш, тунемше- влакым социал дистанцийым эскерен шындымаш, олимпиаде пӧлемым дезинфицироватлымаш обязательный улыт. Олимпиадын муниципал йыжыҥже 8-ше декабрьыште мучашлалтеш. Тиде йыжыҥыште ситыше баллым чумырышо тунемше- влак регионысо йыжыҥыште шинчымашыштым ончыктат. Тудыжо 10-шо январь гыч 21-ше февраль марте эрта. Олимпиадым эртарыме дене кылдалтше йодышым шокшо линийын 45-58-91 номеран телефон дене рашемдыман.

Прошлые выпуски