Марий Элым вуйлатыше Юрий Зайцев республикысе спорт объект- влакым ончен лектын
Марий Элым вуйлатыше Юрий Зайцев республикысе спорт объект- влакым ончен лектын. Эн ончыч тудо Семёновка селаште верланыше олимпий резерв училищышке миен. Тений тушто модулян у спортзалым ышташ шонат. Тунемме тӧнежлан проект да шымлыме пашалан республикым вуйлатышын решенийже почеш кок миллион теҥгем пуымо. Тушто спортын 9 видше дене шуарат. Тиддеч посна Юрий Зайцев куштылго атлетике манежыште лийын. Тудын икымше йыжыҥжым 2015-ше ийыште чоҥен пытарыме, окса укелан кӧра кокымшо йыжыҥжым чоҥымо паша чарнен шогалын. Пашам мучашлыме йодышым Федераций Советыште Республикын кечыжым эртарыме годым повесткыш пуртымо ыле да сенатор- влакын поддержкыштым налын. Кокымшо йыжыҥысе пашам мучашлымеке, тушто Россий да регион- влак кокласе кӱкштыан таҥасымаш- влакым эртараш, спортым йӧратыше- влаклан тушко идалык мучко кошташ, ныл тӱжем утла ончышо еҥ- влакым пуртен тӱшка мероприятий- влакым эртараш йӧн лектеш.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
