Марий Элым вуйлатышын «Сеҥымаш почто» проектшым Москошто «Россия» выставкыште ончыктеныт
Марий Элым вуйлатышын «Сеҥымаш почто» проектшым Москошто «Россия» выставкыште ончыктеныт. Элнан рӱдӧ олаштыже «Россий» Тӱнямбал ончер умбакыже пашам ышта. Шукерте огыл гына Марий Эл Республикын кечыштыже шке сеҥымашыже- влак дене палдараыш. Уэш тушко калык чумырген. Ачамландын Геройжо- влак кечын тушто Марий Элым вуйлатышын «Сеҥымаш почто» проектше дене палымым ыштыме. Каласкалаш манын, Юрий Зайцев тушко шке миен. Площадкыште тудо Совет Ушемын Геройжо, генерал-майор, СССР КГБ-н «А» группыжын командирже Геннадий Николаевич Зайцев дене вашлийын. Боевой офицер каласен: передовойышто шочмо кундем гыч серыш пеш сай моральный полыш, а материальный полыш нерген ойлаш гын, генерал-майор шукоерте огыл СВО-лан «буханка» автомобильым налаш 700 тӱжем теҥгем колтен. Вара Марий Элым вуйлатыше дене Геннадий Николаевич «Мемнан геройна- влак» выставкым онченыт, «Движение первых» толкынын активистше- влак, «Молодой гвардийын» участникше- влак дене мутланеныт, йодышыштлан вашештеныт. Юрий Зайцев увертарен: республикын правительствыже, предприятий ден организаций- влак, ура чонан еҥ- шамыч СВО кундемыш чарныде полышым колтен шогат. Стендын ыштыме жапыште кумылан- влак салтак –шамычлан серышым возен кертыныт, талисманым ыштыме мастар-классыште участвоватленыт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
