Марий Элын кикбоксёржо- влак таҥасымаш гыч медаль- влак дене пӧртылыныт
Марий Элын кикбоксёржо- влак таҥасымаш гыч медаль- влак дене пӧртылыныт. Саратов олаште кикбоксинг дене Юл Кундем округын Чемпионат ден Первенствыже мучашлалтыныт. Тушто элысе 13 регион гыч 800 утла спортсмен таҥасен. Кикбоксинг дене Марий Элын сборныйжым МКА, Медведь, Феникс боксёр клубла, Клинок ВПК, Комплексан Единоборствын федерацийже гыч чумырымо.- увертара спорт туризм министерстве. Таҥасымашын лектышыже почеш мемнан спортсмен- влак призан вер- влакым налыныт. Икымше вер Волжск Купсола гыч «Клинок» клуб гыч Глеб Миловидовлан логалын. Тренерже Александр Глухов. Кумшо верым Медведь клуб гыч Иван Краснов налын. Тренерже- Егор Чижиков. Кумшо верымак тиде клуб гычак, Егор Чижиковынак тренироватлыме Алексей Макаровлан пуымо. ПФО-н Чемпионат ден Первенствыже майыште Дагестанысе Каспийскыште эртышаш Российын Чемпионат ден Первенствышкыже эн виян спортсмен- влакым ойырен налмашлан шотлалтеш.
Фото: Кикбоксинг федераций.
Фото: Кикбоксинг федераций.
