Марий Элын сеҥымашыже- влакым «Россия» тӱнямбал выставке- форумышто ончыктат
Марий Элын сеҥымашыже- влакым «Россия» тӱнямбал выставке- форумышто ончыктат. Тенийсе ик эн кугу мероприятий 4-ше ноябрьыште, калыкын икоян улмо кечынже лиеш. Выставкыште Российысе 89 регионын сеҥымашыже, ойыртемже, кугешнаш йӧрышӧ пашаже ончыкталтеш. Участник- влак ончылно Россий Президентын администрацийжым вуйлатышын алмаштышыже Сергей Кириенко ойлен. Мемнан республикын стендше «Марий Эл. Пӱртӱс ден технологийын пырлялыкше» маналтеш. Тудым ик энчыч поген шуктымо. Марий Эл Правительство председательын икымше алмаштышыже Михаил Васютин экспозицийын концепцийже нерген ойлен. Стендым панель да витрине- влак полымо дене ыштыме. Тушто анимироватлыме «Марий мландын образше- влакым», Марий Эл нерген «Илышын кумдыкшо» роликым ужаш лиеш. Стендын тӱҥ сӧрастарымашыже- ший окса гыч чумырымо «Ший аршаш» арт-объект лийын. Тудо марий илыш-йӱла тӱвырам ончыкта. Ший – тиде марий калыкын йӧратыме металлже. Марий мастар- влакын кидышт дене ыштыме сӧрастарымаш- влак тукым гыч тукымыш куснен толыныт. Нуно аралтыш семын лийыныт да улан илышым ончыктеныт. Марий Элын экспозицийже республикын промышленностьышто, шанчыште, туныктышышто да Ай-Ти технологийыште сеҥымашыжым ончыкта, оҥай турист маршрут, палыме кумылаҥдыше тӱвыра да историй, пӱртӱс вер- влак дене палымым ышта.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
