Россий кӱкшытан «Калык участковый-2023» конкурсын иктешлыше йыжыҥже тӱҥалын
Россий кӱкшытан «Калык участковый-2023» конкурсын иктешлыше йыжыҥже тӱҥалын. Ушештарена: 17-ше октябрьыште йӱклымӧ почеш конкурсын регионысо йыжыҥыштыже сеҥыше рашемын. Тиде- Морко районысо полиций пӧлкан кугурак участковый уполномоченныйже Владимир Константинов. Марий Элысе калык тудын верч ик тӱжем утла йӱкым пуэн. Константинов эл кӧргӧ паша органыште 2019-ше ий гыч служитлаш тӱҥалын. 2022-шо ий гыч полицийын кугурак участковый уполномоченныйже должностьышто тырша. Онлайн йӱклымаш луымшо ноябрь марте шуйна. Тудын лектышыже почеш сеҥышым палемдат.
Фото: Марий Эл МВД-н пресс-службыжо.
Фото: Марий Эл МВД-н пресс-службыжо.
