Москошто Марий Элым вуйлатыше Юрий Зайцев ден Российысе чоҥымаш да ЖКХ министр Ирек Файзуллинын вашлиймашышт эртен
Российысе чоҥымаш министерствын полшымыжо дене Марий Элыште тӱшка верлам тӱзландарымаш, вӱдым ситарыме объектлам пужен ыштымаш, илаш йӧрыдымӧ пӧртла гыч калыкым кусарымаш кугу куат дене шукталтеш. Москошто Марий Элым вуйлатыше Юрий Зайцев ден Российысе чоҥымаш да ЖКХ министр Ирек Файзуллинын вашлиймашышт эртен. Нуно «Юл эҥерым тазаҥдымаш», «Ару вӱд», «Оласе йӧнан кумдыкым ыштымаш» федерал проектлам, «Илаш йӧрыдымӧ верым пытарымаш» да моло пӱсын шогышо йодышлам каҥашеныт. Марий Элым вуйлатыше Ирек Файзуллинлан увертарен: тений тӱшка да кудывечыласе кумдыклам тӱзландарыме паша шукталтеш Ноябрь мучаш марте Россий кӱкшытан 6-шо да 7-ше конкурслаште сеҥышыш лекше кугу проектлам ыштен шуктымо лиеш. Тичмаш акше 240 миллион теҥге. Тиде: Звенигово олан эҥер капкаже», «Волжск олаште Ола илышын рӱдыжӧ», «Олан у семын йоҥгымыжо. Козьмодемьянскыште Композитор Эшпайын скверже» проект- влак. Тыгак канализацийын очистной сооруженийже- влакым чоҥымо нерген ойлен. Россий министр Марий Элын Правительствыжлан кӱкшӧ акым пуэн да жап ден темпым эскерен шогымым палемден.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
