Республикыштына калыкле проект кышкарыште тазалыкаралтыш объект- влак чолган чоҥалтыт
Республикыштына калыкле проект кышкарыште тазалыкаралтыш объект- влак чолган чоҥалтыт. Теҥгече Правительстве председательын икымше алмаштышыже Евгений Кузьмин Россий Правительство вуйлатышын алмаштышыже Татьяна Голикован «Тазалыкаралтыш» калыкле проектым шыҥдарыме йодыш дене видеоконференций йӧн дене эртарыме совещанийыште участвоватлен. Республикышке калыкле проектын регионысо проектше- влакым шыҥдараш чыла тӱрлӧ источник гыч ик миллиардат 900 миллион теҥгем колташ палемдыме. Тушечын ик миллиардат 500 миллион теҥгежым кучылтмо. «Тазалыкаралтышын превичный звеножым модернизироватлымаш» регионысо проектлан 468 миллион теҥгем колташ палемдыме. Кызыт улшо объект- влак олмеш тазалыкаралтышын ныл объектшым чоҥаш палемдыме. Тидлан 180 миллион теҥгем колтат. Кум объектыштыже чоҥымо да монтаж паша мучашлалтын. Тиде Кокшайскысе да Силикатныйыште врач амбулаторий- влак, Тат- Китня ялысе фельдшер акушер пункт. Тыгак Юрино районысо эмлыме верын поликлиник пӧлкаже чоҥалтеш. 2024-ше 2025-ше ийлаште Йошкар-Оласе Лелия Соколова лӱмеш оласе йоча эмлыме верын кокымшо йоча поликлиникыжым чоҥаш палемдыме. Кызыт документым кугыжаныш экспертизыш колтымо. Тенийлан республикысе клинический эмлыме верын офтальмологий консультаций да диагностике пӧлкажым 38 милион теҥгелан олмыкташ палемдыме. Медицина организаций- влакым медицина оборудований дене тичмаш пойдараш 197 миллион теҥгелан 15 медицина оборудованийым пашаш колтымо. Мероприятий- влакым кузе шуктымым Республикым вуйлатыше Юрий Зайцев шке контрольыштыжо куча.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
