Марий Элысе калык Курск областьлан полышым пога
Марий Элысе калык Курск областьлан полышым пога. ВСУ-н лӱйкалыме деч эҥгекыш логалше Курск областьлан гуманитар грузым Йошкар-Ола гыч колтат. Кӱлеш полышым погаш Марий Элым вуйлатыше Юрий Зайцев кӱштен. Груз кышкарыш вургем, йолчием, вакшышыш шартыш, гигиенылык средстве, канцеляр сату да молат пуреныт. Полышым мер полыш штабыш чумырат. Тудыжо Йошкар-Оласе Пушкин урем 14-ше пӧртеш верланен. Йодышым 63-00-39 номеран телефон дене рашемдаш лиеш. Тыгак Курск областьысе эҥгекыш логалше- влакым жаплан вераҥдыме икмыняр пунктым ямдылыме. Тушечын иктыже Корта ялыште «Виктория» олимпий резерв спорт школеш верланен. Кодшо кечылаште Марий Эл Правительстве Председательын икымше алмаштышыже Михаил Васютин тудым ончен лектын.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
