Марий Элыште 2027-ше ийыште кум стационарым капитально олмыктымо лиеш

Марий Элыште 2027-ше ийыште кум стационарым капитально олмыктымо лиеш
               Марий Элыште 2027-ше ийыште кум стационарым капитально олмыктымо лиеш. Паша «Тазалыкралтышын первичный звеножым модернизироватлымаш» регионысо проектыште шукталтшаш. Могай объект- влак нерген ойлымо шотышто тазалыкралтыш министрын алмаштышыже Ангелина Ушакова каласкален. Тудын мутшо почеш шушаш ийын Медведево да Советский районласе рӱдӧ эмлыме верлам, Куженер район эмлыме верын стационаржым  капитально олмыкташ палемдыме. Тиде пашалан 196 миллион утла теҥгем колтымо лиеш.
               Кызыт бюджет гыч кум миллионат 700 тӱжем теҥге окса дене нине объект шотышто проект да смета документаций ямдылалтеш. Тиддеч посна шушаш ийлан планыш Медведево ЦРБ-н Кузнецово врач амбулаторийжылан да Волжскысо ола эмлыме верын Пӧтъял ФАП-шылан блочно-модульный конструкцийым налаш палемдыме. Эше кум единице медицине оборудованийым налшаш улыт: Волжск оласе эмлыме верлан магнитно-резонанс томографым, Звенигово районысо рӱдӧ эмлыме верлан рентген аппаратым да Сарын ветеранже- влакын Республикысе клинический эмлыме верлан маммографым. Тиде пашалан 154 миллион теҥгем ойырымо.
             Фото: Тазалыкаралтыш министерстве.

Прошлые выпуски