Йошкар-Ола шочмо кечыжым пайремла

Йошкар-Ола шочмо кечыжым пайремла
          Йошкар-Олан кечыжым пайремлыме программе пале лийын. Тӱҥ событийже- влак 8-ше да 9-ше августышто эртат. Оласе калыкым да уна- влакым концерт, спорт таҥасымаш, тоштер акций, книга ярминга, фестиваль да йоча- влаклан кумда программе  вучат. Торжественный ужашыже тачак, кудымшо августышто тӱналын. Никонов площадьыште Чоҥышо- влаклан чапкӱм почмо. Торжественный мероприятийыште Юрий Зайцев участвоватлен. Отрасльын ветеранже- влак почётан уна лийыныт. Республикым вуйлатыше чоҥышо- влакын пашаштым кӱкшын аклен. Тиде чапкӱ- нунын кажне кечын шуктымо пашаштым аклымаш, манын тудо.
           Кастенак кафедрал соборышто тауштымашан молебным служитлыме. Пайремым официально почымашыже 8-ше августын 11 шагатлан Ленин лӱмеш площадьыште лиеш. Тушто калыкле тӱвыра фестиваль тӱҥалеш. Тиде кечылаште Чарла кремль ден Историй да археологий тоштерыште книга ярминга- влак пашам ыштат, Чавайн бульварыште мастар- влакын олащт верлана, оласе тӱвыра полатлаште фотовыставке- влак лийыт, тоштерлаште экскурсий, квиз да усталык мастар-класс- влакым темлат.           
           8-ше августышто Олан историйже тоштер ола мучко троллейбус дене экскурсийым эртара. Спорт ужашланат кугу тӱткыш ойыралтеш. 8-ше числаште Парк ден спортплощадкылаште Физкультурникын кечыже эртаралтеш.
           9-ше августын эрдене Чарла кремльыште 42-шо пелмарафонлан старт пуалтеш. А Имэҥер трассыште мэрын кубокшо верч автокросс калыкым вуча. Мурсем программыжат поян лиеш. Концерт- влак Патриарший, Никонов лӱмеш площадьлаште да рӱдӧ паркыште эртат.  Фестивальын унаже- влак, этносем фестиваль, эстрада артист да куштымаш-шоу- влак калыкым куандарат.
          Фото: Павел Стариков.

Прошлые выпуски