Марий Элыште ойыртемалтше лӱман пенсионер- влак илат
Марий Элыште ойыртемалтше лӱман пенсионер- влак илат. Илалше- влакын кечышт вашеш Россий Социал фондын Марий Элысе пӧлкаже шке базыштыже оҥай шымлымашым эртарен да рашемден: пенсийым налше- влак коклаште могай лӱм чӱкыдынрак вашлиялтеш? Лектыш оҥай лийын: чылалан палыме лӱм гыч тӱҥалын ойыртемалтше лӱм марте. Марий Элыште пенсийым налше 198 тӱжемат 474 еҥ учетышто шога. Нунын кокла гыч 132 тӱжемат 115-ше ӱдырамаш, 66 тӱжемат 359-ыже пӧръеҥ улыт.
Эн кумдан шарлыше ӱдырамаш лӱм, тиде Галина. Тыгай лӱман 11 тӱжемат 194 ӱдырамаш пенсийым налеш. Тидыже чыла ӱдырамаш гыч 8 процентат пеле лиеш. Кокымшо верыште Людмила- 7 тӱжемат 955 еҥ але 6 процент, кумшо верыште Татьяна- шым тӱжемат 569 еҥ але 5,7 процент. Но пенсионер ӱдырамаш- влак коклаште шуэн вашлиялтше лӱман- влакат улыт. Мутлан: Антуанетта, Аэлита, Дрия, Езук, Идея, Констанция, Лелюфар, Мальвина, Милиция, Олимпиада, Она, Офелия, Революция, Мира, Рипсиния, Рэисэ, Советта, Соломонида, Элеканида да Эра.
Пӧръеҥ- влак коклаште эн кумдан шарлыш пӧръеҥ лӱмлан Александр шотлалтеш- 6 тӱжемат 40 еҥ. Кокымшо верыште Владимир- 5 тӱжемат 368 еҥ, кумшо верыште Николай- ныл тӱжемат 803 еҥ. Пӧръеҥ коклаште шуэн вашлиялтше тыгай лӱм- влак улыт: Ромэо, Ангел, Африкан, Елисей, Сталенид, Ива, Пронас да Рив.
Фото: источник photogenica, автор Boguslavovna
Эн кумдан шарлыше ӱдырамаш лӱм, тиде Галина. Тыгай лӱман 11 тӱжемат 194 ӱдырамаш пенсийым налеш. Тидыже чыла ӱдырамаш гыч 8 процентат пеле лиеш. Кокымшо верыште Людмила- 7 тӱжемат 955 еҥ але 6 процент, кумшо верыште Татьяна- шым тӱжемат 569 еҥ але 5,7 процент. Но пенсионер ӱдырамаш- влак коклаште шуэн вашлиялтше лӱман- влакат улыт. Мутлан: Антуанетта, Аэлита, Дрия, Езук, Идея, Констанция, Лелюфар, Мальвина, Милиция, Олимпиада, Она, Офелия, Революция, Мира, Рипсиния, Рэисэ, Советта, Соломонида, Элеканида да Эра.
Пӧръеҥ- влак коклаште эн кумдан шарлыш пӧръеҥ лӱмлан Александр шотлалтеш- 6 тӱжемат 40 еҥ. Кокымшо верыште Владимир- 5 тӱжемат 368 еҥ, кумшо верыште Николай- ныл тӱжемат 803 еҥ. Пӧръеҥ коклаште шуэн вашлиялтше тыгай лӱм- влак улыт: Ромэо, Ангел, Африкан, Елисей, Сталенид, Ива, Пронас да Рив.
Фото: источник photogenica, автор Boguslavovna
