Марий Элыште ойыртемалтше тӱҥямбал рекордым шынденыт

Марий Элыште ойыртемалтше тӱҥямбал рекордым шынденыт
         Марий Элыште ойыртемалтше тӱҥямбал рекордым шынденыт. Йошкар-Олаште эн кугу порций ӱячам ямдыленыт, - увертара паша да социал аралтыш министерстве. Мероприятийым Коча ден кова- влакын кечыштлан пӧлекленыт. Шке шотан пирамидыш 20 тӱжемат 153 ӱяча пурен. Тудым 12 повар ямдылен. Сийын кӱкшытшӧ ик метрым эртен, кумдыкшо-  ик метран 60 сантиметрым. Тиде ойыртемалтше тӱҥямбал сеҥымашым рекордым регистрироватлыше «Достояние нации» Тӱнямбал реестрын еҥже- влак регистрироватленыт. Тидым ышташлан Йошкар-Олаш лӱмын элысе вӱдышӧ ресторан критик Олег Назаров толын. Паша да социал аралтыш министр Марина Островская палемден: Пеш чапле, ме тыгай социал акций- влакым эртарен кертына. Тиде мемнан пырля эртарыме кумшо мероприятий, республикыште шындыме пырля ыштыме кумшо рекорд. Рекордым регистрироватлыме деч вара Ӱяча марий кочкышым республикысе интернат-пӧртлаште илыше- влаклан колтымо.

Прошлые выпуски