Республикын кечыже- влак кышкарыште Юрий Зайцев Валентина Матвиенколан Марий Элын выставкыжым ончыктен

Республикын кечыже- влак кышкарыште Юрий Зайцев Валентина Матвиенколан Марий Элын выставкыжым ончыктен
            Теҥгече Федераций Советыште Республикын кечыже- влак кышкарыште Республикым вуйлатыше Юрий Зайцев Россий парламентын кӱшыл палатыжым вуйлатыше Валентина Матвиенколан Марий Элын выставкыжым ончыктен. Тушто Марий Элын сеҥымашыже- влакым ончыктымо. Федераций Советым вуйлатыше промышленностьышто сай лектышлан кӱкшӧ акым пуэн да палемден: кодшо ийын продукцийым лукмашын кушмыжо 17 процентыш шуын да тыгай кӱкшытым республике арален кода мо манын йодын. Юрий Зайцевын мутшо почеш тений промышленный продукцийын кугытшо 17 тичмашат 6 луаш процент лиеш, Тидын годым южо корно дене республике Российыште лидер улеш. Мутлан, ужалкалымашлан йӱкшыктарыше оборудованийым, кӱртньӧ омсам, электроустановко изделийым лукмаште. Кӱшыл палатын председательже Марий Элын эҥер туризмым вияҥдымаште ончыкылыкшым палемден. Валентина Матвиенком ик эн йодмаш дене пайдаланыше «Юлышто этнотуризм рӱдер» турист маршрут дене палымым ыштеныт. Республикысе вузлан сенымашыштым ончыктеныт, Юдтех ден Марий университетын радиоэлектронике, оборонно-промышленный комплекслан разработкыштым ончыктеныт. Кӱшыл палатын спикерже тыгак ял озанлыклан, тӱвыралан, Ай-Ти индустрийлан пӧлеклалтше стенд- влакым ончен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски