Волжск олаште ончычсо «Родина» кинотеатрым пужен ышташ тӱҥалме
Волжск олаште ончычсо «Родина» кинотеатрым пужен ышташ тӱҥалме. «Тӱвыра» калыкле проект кышкарыште проектым шыҥдараш 218 миллион теҥгем палемдыме. Паша тений да шушаш ийын шукталташ тӱҥалеш. Подрядчикше- «РемМастер» ушем. Компаний пашам ышташ тӱҥалын. Оксам ойырашлан да кугыжаныш программыш пурашлан объектым тӱвыра поянлык объект перечень гыч лукмо. Но тушко пӱтынь зданийже огыл, а колоннан пурымо могыржо гына пурен. Проект почеш тудын тӱжвал тӱсшӧ аралат кодеш. А кӧргӧ велжым йоча сымыктыш школлан келыштарат.
Фото: Рафис Шагвалеев.
Фото: Рафис Шагвалеев.
