Йошкар-Олаште мӱян ӱячан эн кугу порцийжым ямдылат
Йошкар-Олаште мӱян ӱячан эн кугу порцийжым ямдылат. Шуматкечын 28-ше ноябрьыште, Коча ден кова- влакын кечынышт черетан кулинар рекордым ончыктат. Ӱяча марий кочкышын ужашыже. Шере йӧр-варым ӱеш жаритлат, вара мӱеш шолтат. Тудым кугу пайрем годым пирамидке семын оптен ӱстембак шындат. Ышташ шонымо пирамидкыште лу тӱжем ӱяча лийшаш. Тудын кӱкшытшӧ ик метр утла, а диаметрже- ик метрат 60 сантиметр. Тиде сеҥымашым рекордым регистрироватлыше «Достояние нации» Тӱнямбал реестрын еҥже- влак регистрироватлат. Рекордым фиксироватлаш лӱмын Москва гыч вӱдышӧ ресторан критик Олег Назаров толеш. Мӱй ӱяча дене социал министерствыш пурышо тӧнажлаште илыше пенсионер, инвалид, ветеран- влакым сийлат. Мероприятий «Леве эҥер» трактирыште 17 шагатлан тӱҥалеш.
Фото: Иван Антропов.
Фото: Иван Антропов.
