Марий Эл лӱдыкшӧ пудиян регион- влакын спискышкышт пурен
Марий Эл лӱдыкшӧ пудиян регион- влакын спискышкышт пурен. Роспотребнадзор Российысе пудийын вирусан энцефалит черже улман административный кумдыкшо- влакын кодшо ийлан перечньыштым савыктен. Тыгай регион радамыш Марий Элат логалын. Тиде документ тений противоэпидемий мероприятий- влакым планироватлаш ышталтын. Ведомствын ончыктмыжо почеш республикыште тыгай инфекций улман 11 кумдык шотлалтеш. Спискыште Волжский, Звенигово, Килемар, Марий Турек, Медведево, Морко, У Торъял, Оршанке да Шернур район- влак, тыгак Йошкар-Ола ден Волжск улыт. Ушештарена: Юл кундем федерал округышто Марий Эл деч посна тыгай инфекциян кундемлан Киров, Угарман, Оренбург, Самара, Ульяновск областьла, Пермь край, Башкортостан, Татарстан, Удмурт республике- влак шотлалтыт.
Фото: Архив.
Фото: Архив.
