Чоҥышо- влакым тулык- влаклан пуышаш пачерым шотыш налын пӧртым нӧлташ йодыныт

Чоҥышо- влакым тулык- влаклан пуышаш пачерым шотыш налын пӧртым нӧлташ йодыныт
          Йошкар-Олаште чоҥышо- влакым тулык- влаклан пуышаш пачерым шотыш налын пӧртым нӧлташ йодыныт. Йошкар-Ола администрацийыште тулык йоча- влаклан пачерым пуымо йодышым каҥашеныт. Вашлиймашышке ола округ кундемыште пашам ыштыше  чоҥышо компанийлан еҥыштым ӱжмӧ.
           Мэрын алмаштышыже Алексей Поляков чоҥышо- влаклан тыгай темлымашым ыштен: пӧртым проектироватлыме годым икмыняр процент пачерым тулык- йоча- влаклан пуаш ончылгоч палемдаш кӱлеш. Тидыже тыгай илыме верлам оласе тӱрлӧ пӧрт ден районышто пуаш йӧным ышта. Ме ик категорий еҥ- влаклан гына посна пӧртым ямдылыме гыч кораҥаш шонена. Тулык йоча- влак тӱрлӧ еш коклаште илышаш, утларак илышлан келыштаралтше лийшаш улыт, шкешт гаяк пӱрымашан шке ийготашышт коклаште гына илышаш огытыл,- каласен Алексей Поляков.
           Идалык еда Йошкар-Олаште тиде категорий еҥ- влаклан шӱдӧ наре пачер пуалтеш. Темлыме механизм тулык йоча- влаклан пачерым пуышаш пӧртлан мланде участкым посна ямдылен ойырымо проблеме  деч кораҥаш полша.
           Чоҥышо- влак тиде темлымаш нерген шоналташ да моло регионын опытшым шымлаш сӧреныт.
           Фото: Йошкар-Ола мэрий.

Прошлые выпуски