«Туан йылмын ви-куатшы» регион- влак кокласе краеведений конкурсыш йодмашым налаш тӱҥалме

«Туан йылмын ви-куатшы» регион- влак кокласе краеведений конкурсыш йодмашым налаш тӱҥалме
            Марий Элыште «Туан йылмын ви-куатшы» регион- влак кокласе краеведений конкурсыш йодмашым налаш тӱҥалме. Таҥасымаш Марий АССР-ын калык поэтше Геннадий Матюковскийын шочмыжлан 100 ий теммылан пӧлеклалтеш. Конкурс Марий Элысе школьник да студент- влак коклаште, тыгак марий – влакын тӱшкан илыме Башкортостан, Татарстан, Одо республике, Киров, Свердловск, Угарман областьла да Пермь крайысе тунемше- влак коклаште эртаралтеш.
             Шинчмашым тергымаш кум номинаций дене эрта: «Шочмо йылме- мемнан поянлыкна»- шочмо йылме дене Реферат да шанче-шымлыме проект- влак;  «Шӱмыштӧ вӱчкен куштымо шомак»-Геннадий Матюковскийын усталыкше нерген шымлымаш паша- влак; «Ме нунын дене кугешнена»- сарын ветеранже, тылыште тыршыше да сарын йочаже- влак нерген кычал-шымлыме паша; «Фронт гыч серыш»- Кугу Ачамланде сар жапысе фронт гыч колтымо серыш- влакым, нуным возышым да аралыше- влакым шымылмаш.
               Йодмашым да конкурслык пашам 15-ше ноябрь марте Электрон почтыш колтыман. Адресше: кугарня 2015@майл.ру. Иктешлымаш Марий Тиште кечылан пӧлеклалтше пайремыште декабрьыште лиеш. Конкурсым МарНИИЯЛИ, Марий калыкле конгресс, «Марий Эл» увер агентство, Шочмо йылме- влакым туныктышо-шамычын ассоциацийышт ямдылат. Учредительже тӱвыра министерстве улеш.
              Фото: С.Г.Чавайн лӱмеш калыкле книгагудо.       

Прошлые выпуски