Марий Элыште Сириус гаяк «Волгенче» рӱдер почылтын
Марий Элыште Сириус гаяк рӱдер почылтын- регионысо «Волгенче» рӱдер. Марий Элым вуйлатыше Юрий Зайцев регионыштына йоча да самырык- влакын моштымаш ден талантыштым рашемдыме, полшымо да вияҥдыме рӱдерым почмо торжественный мероприятийыште лийын. «Волгенче» рӱдерым Юрий Зайцевын кӱштымыжӧ почеш ыштыме. Регионлаште уста йоча- влаклан, тунемше- влакын олимпиада толкыныштлан полшымо площадке- влакым почмашын кӱлешлыкше нерген кодшо ийын Российын Президентше Владимир Путин ойлен. Республикым вуйлатыше погынышо- влакым саламлен да палемден: тиде рӱдерым «Талант да сеҥымаш» туныктымо фондын опытшым, республикым вияҥдыме тӱҥ корно- влакым шотыш налын ышталтеш. Тудо фондым вуйлатыше- влакым, вузлам, предприятий, индустриал да технолгий организаций- влакым вуйлатыше- шамычлан рӱдерым ыштымаште тыршымыштлан тауштен ойлен.
Сириусын аналогшо- регионысо рӱдерым почмо дене видео кыл дене «Талант да сеҥымаш» Фондым вуйлатыше Елена Шмелёва саламлен. Регионысо рӱдерын туныктымо пашаже «Бауман» лицейыште да «Чодыра йомак» эмлыме да тазалыкым пеҥгыдемдыме комплексыште эрташ тӱҥалеш. «Чодыра йомакысе» кампус 60 йочам вераҥден кертеш. Тений сентябрь гыч декабрь марте «Шанче» корно дене профилян смена- влак эртат. Нуно 6-8-ше класслаште тунемше биологий, математике, астрономий, химий да физике предмет дене 300 йочам авалтат. «Сымыктыш» корно дене 100 школьник калык да классик вокал, театр сымыктыш, дизайн да архитектура дене сменыш миен кертыт. Тыгак шӱдӧ тунемше «Спорт» корно дене сменыште лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
Сириусын аналогшо- регионысо рӱдерым почмо дене видео кыл дене «Талант да сеҥымаш» Фондым вуйлатыше Елена Шмелёва саламлен. Регионысо рӱдерын туныктымо пашаже «Бауман» лицейыште да «Чодыра йомак» эмлыме да тазалыкым пеҥгыдемдыме комплексыште эрташ тӱҥалеш. «Чодыра йомакысе» кампус 60 йочам вераҥден кертеш. Тений сентябрь гыч декабрь марте «Шанче» корно дене профилян смена- влак эртат. Нуно 6-8-ше класслаште тунемше биологий, математике, астрономий, химий да физике предмет дене 300 йочам авалтат. «Сымыктыш» корно дене 100 школьник калык да классик вокал, театр сымыктыш, дизайн да архитектура дене сменыш миен кертыт. Тыгак шӱдӧ тунемше «Спорт» корно дене сменыште лиеш.
Фото: Марий Элым вуйлатышын администрацийжын увер дене пашам ыштыше пӧлкаже.
