Волжский районышто «Памар- Кокласола» уэмдыме корнын 13 меҥгыжым пашаш колтеныт
Волжский районышто «Памар- Кокласола» уэмдыме корнын 13 меҥгыжым пашаш колтеныт. 37-ше гыч 50-ше меҥге марте ужашым «Качестван лӱдыкшыдымӧ корно» калыкле проект кышкарыште ыштыме. Паша ныл тылзе шуйнен, а акше 249 миллион утла теҥге лийын. Транспорт министерствын ончыктымыжо почеш корно Сотнур села ден Чодыраялыште илыше- влаклан гына огыл, воктелсе илем- влакланат моткоч кӱлешан. Лач тиде корно дене Сотнур эмлыме верыш да Чодыраял ФАП-ыш да моло яллаш кудалыштыт. Ушештарена: кодшо ийын тиде корнын 13-шо гыч 32-шо меҥгыже марте олмыктымо ыле. Шушаш ийын 55-ше гыч 70-шо меҥгыже марте олмыкташ шонат.
Фото: Транспорт министерстве.
Фото: Транспорт министерстве.
