Марий Элыште СВО-н ветеранже- влак ассоциацийын икымше конфеернцийже эртен

Марий Элыште СВО-н ветеранже- влак ассоциацийын икымше конфеернцийже эртен
              Марий Элыште СВО-н ветеранже- влак ассоциацийын икымше конфеернцийже эртен. Калык- влак келшымаш пӧртыш 90 наре участник погынен. Организаций «Ачамландым аралыше- влак» кугыжаныш фондын филиалже негызеш пашам ышта. Тудо боец- влакын ешыштлан полышым пуа, самырык тукымым патриотизм шӱлышеш шуарымаште тырша, социал гарантий- влакым саемда. Регионысо штаб кодшо ийын сентябрьыште пашам ышташ тӱҥалын. Конференцийыш погынышо- влакым Республикым вуйлатыше Юрий Зайцев саламлен. Шке ойыштыжо тудо «Марий Элын Геройжо- шамыч. Талешке- влак»  проект пашам ыштыме нерген ушештарен.
              Конференцийыште СВО ветеран- влак ассоциацийын исполнительный директоржо Дмитрий Афанасьев участвоватлен. Ассоциаций- тиде эн ончычак ветеран- влак нерген, нуно шке пашашт жапышт дене сарзе йолташыштлан полшаш ямде улыт. Тиде ветеран- влакын праваштым аралыше шке шотан профушем,- манын тудо.
              Республикысе Ассоциацийыш 80 участник пурен. Тудым СВО-н ветеранже, доброволец, десантник Григорий Кузнецов вуйлата. Тудо организацийын пашаже нерген каласкален да республикым вуйлатыше-влаклан боевой действийын ветераныштын кечыжым пеҥгыдемдымылан тауштен. Конференций мучашыште ассоциацийын еҥже- влаклан удостоверенийым, значокым, шевроным кучыктеныт. Мероприятийыште Юрий Зайцевлан военнослужащий- влак боец-шамычын СВО-лан пӧлеклыме шарнымашан композицийым фронт ден тыллан полшымылан тауштымаш семын кучыктеныт.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски