Республикысе кучем Йошкар-Ола аэропортын у терминалжым ончыктен

Республикысе кучем Йошкар-Ола аэропортын у терминалжым ончыктен
              Республикысе кучем Йошкар-Ола аэропортын у терминалжым ончыктен. Правительстве вуйлатышын икымше алмаштышыже Наталья Ошланова шке телеграм-каналыштыже у терминалын фотосӱретше- влак дене палдарен. Тудо транспорт министр Александр Герасименко дене объектым ончен лектыныт. Наталья Ошланован мутшо почеш заказчик уже чоҥымо объектын келшен толмыжо нерген заключенийым налын. А арня жапыште Росавиацийыште оформитлаш разрешитлыше документ- влакым колтымо лиеш. Правительстве вуйлатышын икымше алмаштышыже тыгак чоҥештен кӱзымӧ да волен шичме полосам ончен. Тушто чоҥымо да монтаж паша умбакыже шуйна. Тудым «Ространсмодернизаций» виктем шукта. Палемдена: тиде стратегий объект. Тудо федерал учётышто шотлалтеш. Ончылгоч шотлымо почеш, полоса 2026-шо ий мучашлан ямде лийшаш.
              Фото: @Natalia_Oshlanova

Прошлые выпуски