Волжский районышто икымше гана СВО-н ветеранжын илыме вержым тудлан келыштареныт

Волжский районышто икымше гана СВО-н ветеранжын  илыме вержым тудлан келыштареныт
             Волжский районышто икымше гана СВО-н ветеранжын  илыме вержым тудлан келыштареныт. Дмитрий Спиридоновлан пачержым модернизироватленыт да парковкым ыштеныт. Дмитрий 2022-шо ийын шыжым мобилизоватлалтын. А 2023-шо ийын 15-ше майыште Бахмут кундемыште   миномёт дене лӱйкалымашке логалын да нелын сусырген. Тудын йолжым пӱчкыныт. «Ачамландым аралыше- влак» фонд ветераннын илыме вержым келыштараш полшен. Пачерыште ушан выключатель ден розеткым вераҥденыт тора гыч окнам эректропривод полшымо дене почаш да шторым почаш-петыраш келыштарымашым ыштеныт. Ушан колонкым, робот-пылесосым, игечым ончыктышо приборым да шуко молымат налыныт. «Ушан пӧрт» системым вераҥдыме деч посна ветеранлан лӱмын парковко верым ыштеныт. «Ачамландым аралыше- влак» фондын филиалжым вуйлатыше Ренат Магсумов волжанинлан полшаш республикысе ведомство- влак кокласе комиссийыш йодмаш дене лектын. Ондакырак фондын командыже Дмитрийлан тошкалтыш дене коштшо креслым налаш полшен ыле да тудым паралимпий толкыныш ушен. 
           Фото: «Ачамландым аралыше –влак» фондын филиалже.

Прошлые выпуски