Марий Элым вуйлатыше посна илыме пӧртым чоҥымаште граждан- влакын праваштым пудыртымым шке контрольышкыжо налын
Марий Элым вуйлатыше посна илыме пӧртым чоҥымаште граждан- влакын праваштым пудыртымым шке контрольышкыжо налын. Юрий Зайцев шкалан пӧртым чоҥымо годым граждан- влаклан пудыртымо праваштым пӧртылтымӧ йодыш дене совещанийым эртарен. Мый декем проблеме дене кылдалтше увер пурен. Ой тыште граждан- влакын праваштым пудыртымо нерген. Нуно кугыжаныш полыш дене шкалан пӧртым чоҥаш ипотекым налыныт, но подрядчик шке обязательствыжым шуктен огыл,- палемден Марий Элым вуйлатыше. Тиде йодыш дене Юрий Зайцев деке 9 еҥ лектын. Шымлыме лектыш нерген совещанийыште республикым вуйлатышылан тунам эше чоҥымаш, архитектура, илыме вер да коммунал озанлык министрын пашажым шуктышо Александр Горбунов ойлен. Шымылме почеш рашемдыме: пӧртым «Куштылго вичкыж пу пырдыжан конструкций- влак» технологий почеш чоҥаш ойпидышым посна амалкалче дене 2024-ше ийыште пеҥгыдемдыме. Чоҥашлан оксам ойпидыш да льготан ипотеке кредитований почеш эскроу счётым кучылтде кок банк ойырен. Оксам подрядчиклан ойпидыш почеш пашам тӱҥалмеш тичмаш кусарыме. Но чоҥымо жап пудырталтын, пашам мучашлыме огыл. Подрядчик ойпидыш почеш обязательствым шукташ торешланаш тӧча. А еҥ- влак банкын льготан условийжым йомдарен кертыт.
Ме ӧрдыжтӧ шоген огына керт. Банк, Правительстве да правм аралыше орган- влак дене пырля совещанийым эртарыме. Банк- влак кредит парымым реструктуризоватлаш, штраф санкцийым кораҥдаш, льготан жапым шуяш темлат. Чоҥымаш министерстве эҥгекыш логалше еҥ- влакын праваштым аралыме вариант- влакым ямдыла да моло йӧн дене чоҥымо пашам мучашлаш вариантым кычалеш.- палемден Юрий Зайцев. Эл кӧргӧ паша министерствын ончыктымыжо почеш, подрядчик шотышто уголовный пашам тарватыме.
Фото: Марий Элым вуйлатышын администрацийжын увер дене пашам ыштыше пӧлкаже.
Ме ӧрдыжтӧ шоген огына керт. Банк, Правительстве да правм аралыше орган- влак дене пырля совещанийым эртарыме. Банк- влак кредит парымым реструктуризоватлаш, штраф санкцийым кораҥдаш, льготан жапым шуяш темлат. Чоҥымаш министерстве эҥгекыш логалше еҥ- влакын праваштым аралыме вариант- влакым ямдыла да моло йӧн дене чоҥымо пашам мучашлаш вариантым кычалеш.- палемден Юрий Зайцев. Эл кӧргӧ паша министерствын ончыктымыжо почеш, подрядчик шотышто уголовный пашам тарватыме.
Фото: Марий Элым вуйлатышын администрацийжын увер дене пашам ыштыше пӧлкаже.
