Марий Элыште телымсе Юзо- влакын фестиваль-конкурсышт лиеш
Марий Элыште телымсе Юзо- влакын фестиваль-конкурсышт лиеш. Тӱрлӧ район гыч профессионал Йӱштӧ Коча- влак 18-ше декабрьыште кажне ийын эртарыме «Йӱштӧ Кугыза деке унала» республике кӱкшытан фестиваль- конкурсыш Шернур посёлкыш погынат. Мероприятий йӱлам ончыктымо йӧн семын эрта да кажне кундемын ойыртемалтше у ий йӱлажым, брендшым ончыкта. Конкурс программыш Йӱштӧ Кугыза да нунын командышт Куженер, Морко, Марий Турек, Параньга, Шернур районла да Йошкар-Ола гыч мият. Кажне делегат жюри да ончышо- влак ончыко ойыртемалтше пашажым- шке шонымо легендым, интерактив модмашым, мурымашым, шке семын пӧлекым кучыктымашым луктын ончыкта. Нуно йоча- влакым куандарышаш гына огыл, кызытсе илышлан келыштарыме шке кундемысе тӱвыра кодым презентоватлышаш улыт. Организационный комитетыш Тӱвыра министерстве, Республикысе калык усталык рӱдер, Шернур район администраций пурат.
Фото: Михаил Винокуров.
Фото: Михаил Винокуров.
