Юрий Зайцев Волжскышто у пачер деч сравочым кучыктен
Юрий Зайцев Волжск ола да Волжский районысо тошто пӧртла гыч кусарыме еҥ- влаклан да тулык йоча-шамычлан пачер деч сравочым кучыктен. 23 у пачер деч сравочым тошто пӧртла кусарыме еҥ- влак да ача аван-полышыжо деч посна кодшо- влак чылаже 44 еҥ налыныт. Пӧртсийым пайремлыше- влак коклаште лӱмын эртарыме сар операцийын участникше- влакат улыт. Пачер- влак Волжск оласе Щербаков уремыште чоҥымо 9 пачашан у пӧртыштӧ верланеныт. Марий Элым вуйлатыше Юрий Зайцев у илеман еҥ- влакым шке саламлен да палемден: шке пачер- тиде умбакыже пиалан илышым чоҥымо негыз. 2021-ше гыч 2024-ше ий марте республикыште ача-аван полышыжо деч посна кодшо тӱжемат 62 йоча пачеран лийын. Тений республикыште эше тулык йоча кокла гыч 131 еҥлан пачерым пуышаш улыт. Тиде пашалан 630 миллион наре теҥге оксам ойырымо. «Илашлан инфраструктура» калыкле проект кышкарыште тений идалык мучаш марте кок тӱжем квадрат метр аварийный илыме верым кораҥден, тушто илыше- влакым кусараш палемдыме.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
