Куженерыште вуйым пыштыше боецын аважлан 4-ше степенян Георгиевский ыресым кучыктеныт

Куженерыште вуйым пыштыше боецын аважлан 4-ше степенян Георгиевский ыресым кучыктеныт
               Куженерыште вуйым пыштыше боецын аважлан 4-ше степенян Георгиевский ыресым кучыктеныт. Куженер район администрацийым вуйлатыше Сергей Сидоркин ден сарзе комиссар Сергей Цапков СВО-н участникше Юрий Якимовын аваже Зоя Петровна дене вашлийыныт. Боец 2024-ше ийын 25-ше февральыште Белогоровка илемыште ӱмыр лугыч лийын. Кодшо арнян Зоя Петровналан эргыжын наградыжым- Шнуй Георгий орденын ойыртем палыжым- 4-ше степенян Георгиевский ыресым пуэныт. Верысе газетын палемдымыже почеш, тыгай награде Куженер районышто икымше. Тудым военнослужащий- влаклан Ачамландым аралыме годым подвиглан да ойыртемалтмылан, чолгалыклан, шкем чаманыде кредалмылан да сарзе мастарлыклан кучыктат. Чаманаш логалеш, наградым салтакым колымекыже пуымо.
             Фото: «Заря» газет.

Прошлые выпуски