У Торъялыште «пожарный» футбол дене модыныт
У Торъялыште «пожарный» футбол дене модыныт. У Торъялыште 45-ше пожар да утарыше частьлан 50 ий темын. Тудым 1975-ше ийын 12-шо декабрьыште негызлыме. Лӱмгече пайремыш почётан уна- влак миеныт: Марий Элысе МЧС тӱҥ виктемым вуйлатыше Виктор Шангин, тулым йӧртымӧ да аварийно-уьтарыше пашам ямдылыше виктемым вуйлатыше Дмитрий Гавричев, Район администрацийым вуйлатышын икымше алмаштышыже Александр Воронцов, шуко ий тул ваштареш кучедалше ветеран- влак. Частьын шочмо кечыжлан подразделенийым вуйлатыше Александр Богатырёвлан «Урал Некст» у пожар автоцистерне деч сравочым кучыктеныт. Пайремын эн шарнаш кодшо ужашыжлан «пожар» футбол шотлалтын. Чыла модшыжат боевой вургем да шӱлымӧ аппарат дене модшаш улыт ыле. Модын колтышыжо лийын огыл. Сеҥышыш келшымаш лектын,- палемдат утарыше ведомствышто.
Фото: МЧС-ын Марий Элысе виктемже.
Фото: МЧС-ын Марий Элысе виктемже.
