Марий Элыште тений калыкле проектла почеш 21 объектым пашаш колтымо лиеш.

Марий Элыште тений калыкле проектла почеш 21 объектым пашаш колтымо лиеш.
          Марий Элыште тений калыкле проектла почеш 21 объектым пашаш колтымо лиеш. Юрий Зайцев оперативный йодышла дене совещанийым эртарен. Тӱҥ темыже калыкле проектлам шыҥдарымаш лийын. Промышленность, экономически вияҥмаш да торговля министр Станислав Крылов увертарен: тачысе кечылан Марий Эл калыкле проект- влакым шыҥдарыме дене Российысе регион- влак коклаште 13-шо верым айла. Оксам кучылтмо дене 12-шо верыште улеш. Январь гыч май марте 25 результатым шуктымо, 121 показательыш шумо. Шукынжо план показательым ятырлан ончылтат. Министр палемден: 2023-шо ийын лектышыже почеш чыла 142 показательым шукташ да 103 результатыш шушаш улына. Тазалыкаралтыш калыкле проектым шыҥдарыме нерген тазалыкаралтыш министрын алмаштышыже Татьяна Бастракова каласкален. Капитально олмыктышаш объектлам ямдылыме нерген чоҥымаш министр Наталья Ошланова увертарен. Марий Элым вуйлатыше социал кӱлешан объектлаште кузе паша кайымым рашемден да куатым иземдыде тыршаш, кажне йыжыҥыште пашам шуктымым терген шогаш кӱлеш манын.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски